الا ليته بعود وينظر المحبوب

شقاني الشوق واتعبني من اهماله

تمنيته وعن حبه ابد ماتوب

سلب قاصي الفواد وما تهناله

نديمي بالغرام وطلبت المطلوب

رهيف الحس والاعيان جتاله

ترى له من عويد الموز لي مسلوب

وله خدن يلاضي البرق عداله

عليك الله يالصاحب ترى متعوب

تخفف من وجع قلبي وغرباله

ترى فالخود لايوجد ولامرغوب

شرات الي جرح قلبي واماله

عذيب الروح تاركني وانا مغلوب

على حبه و ياليته بس يرثاله

ترجيته  يساير صاحبه بالدوب

يطمني بشوفه ساعه اقباله

اقول اليوم لا عاتب ولامعتوب

ياليت الخل مره بس يصفاله

عشقتك والعشق ياصاحبي مكتوب

وهذا اليوم كلن سار في حاله

بقيت اعيش ذكراكم شرى المنكوب

ولاتوقف دموع العين هماله

وحالي مالعنا صابر وجسمي يذوب

على خلن تركني قاطع اوصاله