القلب لي خذته بلاشور

باللطف يالغرنجي هاته

يمضي العمر والليالي تدور

ولايدرك الحي مافاته

يالخشف لي مقلتينه حور

نهبن فؤادي دعيّاته

لدين واصفى من البلور

نحره ..وجيده ...و وجناته

يابري حالي من الغندور

لي جامع الزين في ذاته

الحيب يثقل على لخصور

هبابه ايّر خطواته

امعزل ...ومازر... ومهصور

ما شفت ف البيض شرواته

وشليله الناعم المنثور

لي يفنده عن كحيلاته

واذا تبسم يشع النور

في مضحكه من ثنياته

ماحد غدابي سوى المستور

لي ذوّق القلب ليعاته

ختمت له عهدي الممهور

وعهد الغلا نبغي اثباته