مشكور بوحمدان

يـامرحبـا بزايـد وحيّـا

شيخ الكرم شيخ البطولات

يــوم الوِغـا مـارد عيّـا 

برهـن على حـب الامـارات

قال الوعد قـدام هيّـا

دكّ العــدو دكّ النهـايــات

وخلى العلم فوق ايتهيّا

ايـرف فـوق وفـوق هـامات

مشكـور يالشهم الفِتيّـا

مشكــور بوحمــدان مـرات

أبوك قبلك ف الثريا 

تكتيك في رسم السياسات

والفخر راعي الاوليّا

ناموسنـا يــوم النـزالات

يكوي العدو مليون كيّا

بوخالد ان قاد المهمات

يا أسـم يسـوى ناظـريّا

كنّــه سِميّـه حي مامات

العود كسّاب العليّا

كوكب تعلّا  ع المدارات

شوفك يشرّف من تريّا

عــودتك وبخيــر وسهـالات

يامرحبـا بزايـد وحيّــا

يامرحبـا برمــز البطــولات