صح الله لسانه سـما الـعــز سـلـطـان

والله يديمه ذخر .. ويـعــز شــانـــــه

راهن على عمق العلاقه من ازمـــان

واحنا كسـبنا فــي قــراره رهــانـــه

به صار نادينا لكل فــخــر عـنــــوان

مشـرق بنور الشارقه في زمـــانــــه

والشعب له تقدير فــيـنـا ولـه شـــان

غالي وفوق الكتف دايــم مــكــانــــه

هذا بياض النور لى أشــرق وبـــــان

بعد اندماج الحب داخـــل كــيــانـــــه

واليوم وقت المجد يــا فــخـرنا حـان

هذا الملك الابــيــض وهـــذا أوانـــه

درع البطوله لاول الــعـــز بــرهـــان

والقادم اجمل والــتـحــــدي أمـــانـــه

ما ننظر اللي كان من بـعــد مـا كــان

ننظر لمستقبل رفــيــع الــمـكــانـــــه

جمهورنا فيه الــوفــا غــيــث هــتان

باسم الملك غــنــى غــلاه ولــسـانــه

يكتب معاني الحب فـــي كــل مـيـدان

وافي .. ويرخص كل غـالـي عشانـه

والفخر لى باسم الملك صــار يـزدان

كل يوم يكبر في الليالي ضــمــانـــــه

ربي يديم السعد في دار ســلــطــــان

ويديم هذا المجد .. ويــعــز شــانـــه