ابتعادي عنك كانت تجربه

ودّي اعرف وش كثر بتحبّني

لا تصدقني تراها مداعبه

جات في بالي وقلبي ردّني

العمر غربه بدونك متعبه

قلت اجرّبها وبعدك هدّني

قلت اذوق العد مرّه واعذبه

هم ياخذني وهم يردّني

كنت اظن انّي رهاني بكسبه

وما قدرت أعيش دونك واهتني

اعتذر لك والعفو منك اطلبه

يا هنا عمري رضاك يهمّني

الزمان اللي مضى لا تحسبه

عيشني دنيا جديده وزيدني

كفكف دموعك وخذ عمري هبه

كيف ما ودك حبيبي عيشني

حبك الغالي وسام ومرتبه

افتخر فيها وانا عمري هني

والغلا لو زاد لا تستغربه

شي في نفسي إليك يشدّني

والوفا والحب منك اعتزبه

انتمي لك حب صادق وانحني