احـب نـور الشمس في وقت لغروب

يعكـس شعـاع النـور مـن نـور خــلّي

وأحـب لــون الـبـدر فـي خدّه يْـذوب

ينســج خيــوط الـذَهـْبْ كل مـا يهلّـي

وانا خفـوقـي فـي الهوايـات منكــوب

مهما جرى له في الهوى ما استذلّـي

يهوى ركوب الصعب في كل مركوب

والسهــل عنــده ما لقــا لــه محلّـــي

وانا حبيبــي لــه هوايــات وأسلــوب

دل ودلال وزود غـنــج وتـغـلّـــــــــي

ايلاعــب قلــوبٍ وليعــوب رعبــــوب

غرٍّ فتــــــــون وفتنـتـه ويــن حَلّــــي

حل ابخفوقي بعـد جــولات وحــروب

ولانـي بندمـانٍ علـى ما حصـل لــــي

سلّمت لـه امـري وما كنـت مغصوب

هــذي مــروّاتــــــي وهــذا سجلّـــــي

الحـب هو مكتوب مــا مِنْه مهــــروب

ولا عنْــه للإنســان حــول وحوّلــــي

وانـــــــا خبيرٍ له ولــي صـار منســـوب

إدراه واراعيـــــــه ليــن اكتمـل لـــي