الصمت أبلغ من تواصيف الأشعار

قِدّام زينك هاللي صعْب يتِشَبّه

زين ٍيبيلهْ مْن الفضا وَصْف وأفكار

وما مثْله إلاّ بْكوكب الأرض حَبة

الصمت أبلغ من تواصيف الأشعار

قِدّام زينك هاللي صعْب يتِشَبّه

زين ٍيبيلهْ مْن الفضا وَصْف وأفكار

وما مثْله إلاّ بْكوكب الأرض حَبة

يا عيونك اللي تخطف الباب وأنظار

ويا وجهك إنتي ألف سبحان رَبه

يسعد جمالك هاللي تحرسْه الأذكار

ومْحال عين تشوفه وْما تِحِبه

يا عيونك اللي تخطف الباب وأنظار

ويا وجهك إنتي ألف سبحان رَبه

يسعد جمالك هاللي تحرسْه الأذكار

ومْحال عين تشوفه وْما تِحِبه

مْحال عين تشوفه وْما تِحِبه

الصمت أبلغ من تواصيف الأشعار

قِدّام زينك هاللي صعْب يتِشَبّه

بك من سمو الغيم ومن جود الأمطار

أصل رفيع الساس وْعذْب مصَبه

وْبِك رِقة تدعي نعومتها الأزهار

إن مَرّها ظِلّك عليكِ يتنَبّه

بك من سمو الغيم ومن جود الأمطار

أصل رفيع الساس وْعذْب مصَبه

وْبِك رِقة تدعي نعومتها الأزهار

إن مَرّها ظِلّك عليكِ يتنَبّه

خذتي من الأمهار، وَقفات الأمهار

وعْنوق الأريام اللي رَسْمَتها صَبّة

ونظرات حرٍ مَرقبة فوق الأوكـار

وْبَسمة يقال إنها دوا الحزن وطِبّه

خذتي من الأمهار، وَقفات الأمهار

وعْنوق الأريام اللي رَسْمَتها صَبّة

ونظرات حرٍ مَرقبة فوق الأوكـار

وْبَسمة يقال إنها دوا الحزن وطِبّه

وْبَسمة يقال إنها دوا الحزن وطِبّه

الصمت أبلغ من تواصيف الأشعار

قِدّام زينك هاللي صعْب يتِشَبّه

مَصيونة في قْلوبنا صغار وكبار

دانة وفي محارة وسط غُبة

مريم ومن مثلك يْا مريم في هالدار

وإنتي القمر يفرَح إذا بِك تِشَبّه

مَصيونة في قْلوبنا صغار وكبار

دانة وفي محارة وسط غُبة

مريم ومن مثلك يْا مريم في هالدار

وإنتي القمر يفرَح إذا بِك تِشَبّه

يا عيونك اللي تخطف الباب وأنظار

ويا وجهك إنتي ألف سبحان رَبه

يسعد جمالك هاللي تحرسْه الأذكار

ومْحال عين تشوفه وْما تِحِبه

يا عيونك اللي تخطف الباب وأنظار

ويا وجهك إنتي ألف سبحان رَبه

يسعد جمالك هاللي تحرسْه الأذكار

ومْحال عين تشوفه وْما تِحِبه

مْحال عين تشوفه وْما تِحِبه

الصمت أبلغ من تواصيف الأشعار

قِدّام زينك هاللي صعْب يتِشَبّه