الا يارقيق العود وعيونك النعسى

خذتني من اقصى المملكة لـ آخر الكوفة

يحصنْك قلبي كلما ...... اصبح وامسى

ومغليك من شوقه عليك يصافق كفوفه

ترى قلبي يحبك حب وان حب ماينسى

انا ودي اطلعه من صدري تشوفه

لعب به فراقك لعب لعب العن واقسى

من رماح فارس تدمي الصدر وتلوفه

ولو معي صبر ايوب والا عصا موسى

واجيبك رغم جور الزمن واكسر ظروفه

واغني لك بحور الشعر وانغمر وارسى

على بحرك الظافي مع صوت معزوفه

ياعنق الريم ياعين الضبي كيف انا بنسى

ياكم ضاعت اعقودٍ على العنق مصفوفه

جمال العذارى كل ما اقارنه يخسى

انا قمت اشك انك من النور مخطوفه

انا لك بحر وافي وانا لك بعد مرسى

وانا من سنام الطيب ماني من ردوفه