يابوي انا اسهر والملا رقود

يابوي انا عفت المنامي

يابوي انا لي قلب مصيود

مصطاب من حلو القوامي

يابوي انا اشكي ناعم العود

ياللي عليه القلب ضامي

لاتلومني يابوي بالزود

انا المتيم في الغرامي

لو دون وصله داروا حسود

ماهمني كثر الكلامي

بيني وبينه لزم وعهود

موثقه له بحترامي

يابوي احبه حب مفنود

واللي شراتي مايلامي

في الروح حبه دوم موجود

ويابوي هايم به هيامي

هو غايتي وهو كل مقصود

واحن له حن الضوامي

عساه في راحات وسعود

وعساه في خير وسلامي