أدخل على الله من غيابه وأنا حيّ

وأستغفر الله من سبايب غيابه

ياقُبلّة الله ما مثل شوفته زي

شكواي لله ما بقا إلا سرابه

منهو يصدّق ؟ غيبته من ولا شي !

هذا بلا قلبي وهذا مصابه !

غيابه اللي كسّر الشوك بيديّ

ماكنت قبل اليوم حاسب حسابه

القلب والله تايه وصابه الغيّ

يعينه الله تاه من حر ما به

لكن على الله والليالي بها ضيّ

يجيبه الله كان ما الشوق جابه

على انتظاره مايجي صفحته طيّ

في البال صفحاته , وقلبي كتابه

على أمل باقي بقلبه لو شوي

للي تعذّب من نتايج غيابه