اشتياقي لك يا روحي لا تظن لحظه يقل

ياللي معْ كل نبضه القى شوقي لك يزيد

كل ملايكتك قبالي تجدد بروحي الــوصل

مجلسك بالقلب عامر من قديمي والـجديد

فيك احلامي أراها  ومعك يحيا بي الأمل

مالي عيوني وكلي  وغيرك انته  ما أريد 

شوف حبك ويش يعمل يوم طيفك بس يحـل

كيف يوم انت تجيني ما يصير الوقت عــيد

إِيهْ أَحسد من يشُوفك واغْبطَه مهما يْحَصل

بس أَتمنَى حَبيبي تبقى مِرتاح و سَعيد

أَعترف لك كِثر شُوقي  ما بقى فِيني عَقْل

وغيرتي أكثر وأكثر  كالجَمر فيني تِقيِد

وَصْلك يِحـلّي حَياتِي وفِيه فَرحِي يِـكْـتمـل 

ليت هَـالدنيا مـَ فِيها بُعادِ من نهوى ونِريد

الله يجمعني بعيونك يا حبيبي  وبعَجَل 

نلتقي و ترد روُحي في و صالِك من جِـديد 

واللي لِك أبَغي أَقوله   زاد أو  قل الوَصل

أبقى أصايل أصايل  صاينَه حُبك أَكـيد 

العُمر كِلَه أَحبك  لو حَصل مَهمَا حَصل

والله على ما أقُولَه يا بَعد عُمري  شَهِيد  

شَالعَمل ويا إشتياقِي قُلِي َبالله شِالعَمل؟

ياللي مَعْ كِل نَبْضَه أَلقَى شُوقِي لِك يِزيد  

أَظلمت لَندن في عيني و كلها صارت مَلل

كيف ما تظلم بدوُنك؟ ياقمر عُمْرِي الوَحِيد