ليش تتعمد تعذبني

ليش زادت منك طعونك

ما كفاك جروحي وهمي

ما يكفي سيل غلطاتك

تدري انك حيل سالبني

تدري انك في الحشا امبونك

كم على عتابك بتجبرني

كم اداري زود هفواتك

دمع عيني غالي وغالي

ما تهلّه غيبة عيونك

يا عديم احساس يا قلبٍ

قد ملاه الغدر من ذاتك

كنت الأول في نظر عيني

كنت عيني وكنت انا اصونك

بس خسرت عيوني وحبي

ثم غرقت في بحر آهاتك

روح عني روح لا تجيني

روح وانساني من شجونك

لو تلف الكون ما تلقى

مثل قلبي بس ذا فاتك