بتّ ليلي كلّه أتوَدّد

للحبيب اللي سكن روحي

اسمه في الخفّاق يترَدَّد

هو منى نفسي ومربوحي

إنت تآمر يا الغلا حاضر

قول وادّلل على كيفك

يا مناي وبسمة الناظر

يا فديت عيونك وطيفك

صرت دونك كوكبٍ مظلم

والهموم تحاصر أفكاري

في ودادك قلبي متعشّم

يقلب الدنيا ولا يداري

أعترف لك صرت انا هايم

لا أحد قبلك ولا بعدك

انت حلمي صاحي ونايم

بعرش قلبي ساكنٍ وحدك

شفت ضعفي في تفاصيلك

من جمالك هيبة احضورك

صوتك اللي يسري بليلك

ضعت بين الصوت أو نورك

شي طبيعي أطلب يدينك

طالبٍ قربك ومن أهلك

الغوى والسحر في عينك

وين بلقى في البشر مثلك