يِعِلْ يَبْطي زاكي الجَدْ الرُحومي

الزِعيم اللي على فِعْلَه انْماري

الزِعيم النادِر الحُر العُزومي

النَداوي ما على مِثْلَه امْواري

نِحن تحت أمرَه وشورَه في اللِّزومي

لابةٍ لَه في السلام وفي الطُواري

شيخَنا محمد ذرانا له نسومي

دمّنا وأرواحنا له والذراري

يِعِل يَفْدونه رِديين الذمومي

والعداء تضرب من سيوفٍ افْواري

طِرْ بِنا للمجد علّي للنجومي

ارسم وخطّط على راس المداري

أمتدح شيخٍ على العليا يزومي

عاشقٍ للمجد وعزومه اجساري

والله لوما وقْفِته صارت علومي

كان شفت النجم في وسط النهاري

وَدْقْ سيله مثل ماودْقْ الغيومي

عم خيره في المداين والبراري

من كرم طيبه وأصله والسلومي

له نوطي الرأس حبٍ واختياري

الشعر في حضرته حظّه يقومي

أتمثل فيه وأحبه اجْهاري