خطا خطا تعال اقلك شي لا لوم وعتاب 

حكمة اذا تبغي تحب لا يكون تسمع للبشر

انت الوحيد اللي فتح في خافقي مليون باب 

وانت الوحيد اللي تحت ضلعي سكن باحلى قصر

اصواتهم ماتعتلي... يامنيتي... فوق السحاب 

وانا اصايل وش عليا و اتكي كتف القمر

تعال يااغلى الناس دام القلب لي يهواك ذاب 

يااسمى غرام بداخلي يكبر على عز وقدر 

مالوم قلبن حبك من اول زمانه لين شاب 

يالي على شوفتك صار الليل ياعمري فجر

دام ارتوى بك نبض قلب ، وجيت ياحلم الشباب 

اكيد احبك لااخر الدنيا ولحظات العمر 

انا معك ماهمني لو لـلزمن مليون ناب

فدوه لعيونك لشوفتك لو كان كحلها السهر 

حكمة تقول الى خطا يامنيتي لازم يهاب 

وانا على حبك مهاب الحب لو كله خطر

ما بستمع و لا تستمع في كل من ودى وجاب 

وانا ايش عليه ان كان حبي ذابح العالم قهر