تبطون ما ذقتو مشاعر خفوقي

قلبي سلبه الي ما تسووون ظفره

ذاك الذي استسلمت له عروقي

صرح الكبر فيني تهاوى بنظره

مثلي ما ينصاع الامر مخلوقي

لكن مثلك كيف ما انصاع الامره

ما حق اشوف إنسان له قدر فوقي

الا حبيبي تاج عالراس قدره

الحر يبقى حر لو بالسبوقي

قيده صقاره حبيسن عوكره

و انا سبوقي جمر نيران شوقي

ان غبت شبت داخل الصدر جمره

على القا ياما اتعنى شفوقي

شوفك نهر و انت اتمنن بقطره

مثل الذي له قصر بابه امغلوقي

بالموت يدخل كل محتاج قصره

محاسنك بدعه تزين طروقي

اظلمك اذا شبهتك ابنور قمره

كانن مشكك بختياري و ذوقي

بمرايتك شوف اختياري و ندره

بمرايتك تفسير معنى الشروقي

شوف المرايا و قول للله دره

الحب غصن اذا اثمرنّ العذوقي

تذكر انه كان في يوم بذره

ولا يثمر الا كل حبن صدوقي

اوله نظره وآخر الحب حسره