هــذا جــديــد الحــب..؟ والاّ قــديمه؟!

كيف احسب احلامه بعامي وشهري

قبله..؟ أبــد مـا كــان للــعــمــر قــيمه

بعده..؟ أبــد مـا فيه بــعــده فـ عمري

يا حــب قــلبي.. يــا غــلاه ونــديــمه

ادري أحبك.. بس وش كــثر؟ مدري؟!

حبك سـمـا.. وابعد مــن احـلام غيمه

واقرب إلى صدري من انفاس صدري

كـل المشاعــر فــي غــرامــك حــشيمه

تــقــدر تسمي حــبنا.. حــب عــذري

كلـمـة (أحــبــك) يــا حــبيبي عظيمه

واعظم مـن الكلــمه تفاصــيل شعري

معظـم احــاسيس الــغــرام الحميمه

تشــبه تبــادل نــور شمسي وبــدري

لـو للــقــمــر فــعــلاً مــلامــح وسيمه

اكــثر بوجــه الحــب لك وجــه مغري

خــل الأســاطــير الــقــديـمه قــديـمه

يا مملكة حبي.. وعرشي.. وقصـري

حــبك غــنيمه مــا بــعــدهــا غــنيمه

تسوى غــلا قلبي.. ورحي.. وعمري