NOJOUM

شوفها في تطبیق نجوم - نجوم أحلی
Open in NOJOUM App Open
SEARCH MUSIC NOJOUM CHAT PROFILE
شوفها في تطبیق نجوم - نجوم أحلی
Open in NOJOUM App Open

لا حبي عادي وَلا إحساسي لك عادي

وما هَز عرش الضلوع بصدري إلاّ الحب

موطنك روحي وتدري عرشك فـوادي

والكرسي يُـؤخَذ وْما يعطى ولا يوهب

أهواك للموت وْحبك مـزعـج رقـادي

لا تسأل شلون انا من نفسي مستغرب

من يوم قهويتنـي صوتك وهْو قنادي

وانا اللي راسي سِما ما جابه كل من هب

عنادي خيلك وإنتَ مروّض عنادي

لكن مدامك عَـلَي غالي وانا أنحَب

بحتـل روحك وأخلّي عيونك بلادي

واباخِذه قلبك امن اقصاه الين اللب

أبيك في دنيتـي و تـفداك حسـّادي

بيتي وناسي وأبي لجروحي إنت الطب

ولنـّي مميـّز وما يـعجبنـي العادي

ما بين عقل ٍ وقلب ابيك عقـْل وقلب

Leave a Reply

Your email address will not be published.