عند الوعد وقت النوى لي خيل جامح لي نوى

سباق ما هزه احد ولا كسر باسه الهوى

من عادته دايم جموح يتوق للعليا طموح

ما هد سده ولا يبوح خيلي من دبي ارتوى

على مسير المنجزات ما فات عنده شئ مات

قدام عينه بالثبات ما يلتفت خيلي ورى

عشق التحدي من الصغر اعزف على صعب الوتر

وان دقة الساعة صفر ما همني ذيب عوى

طيبي طرف وانته طرف ياللي تتحداني ترف

غلطان والعليا شرف منته بقد المستوى

قدام خيلي لك ثبوت افتح قلب وانته تروت

والله لو عده يموت ما يكسره غدر الهوى