فَرَس فَرَس من حسنها الحسن انخَرس

تتزاحــم قلـــوب البشــر باقبالهـــا 

وقفة فرس .. مشية فرس .. لفتة فرس

مـــن حقّهــا تغتـــر حيــل بحالهــا

كم ساحرٍ فــي عيونهـــا النجــلا دَرس

وكم شاعر من حسنهــا غنّى لهــا

وأحلى الغوانــي قربهــا كنهــن حَرَس

كنّ الحلا مخلـــوق فيهــا لحالهــا

كم قلب في دربٍ مشت فيــه انغـرس

يحلـم تمـرَّه .. لـــو بظـــل ظلالها

ما تلتفت حتـــى لطويليــن المَـــرَس

مترفّعــه .. ما كلْ من جا طالهـــا

ياما احترست مْن الغرام وما احترس

قلبٍ تعلّق في طـرف سلسالهــــا

واللي غرس فيها المحبه بـي غـرس

حبٍ يفوق اللي فـي بالـي وبالها

فَرَس فَرَس لو حاولهـا ميّــة فرس

يوم الْمحتها العين .. قلبي شالها

في خافقي أسمع لخطوتهـا جــرس

ويـْرن في صدري صدى خلخالها