صِحى الفجر من مقلة بحرها يزف النور .. 

تشابك خيوطه في أهلها وماضيها .. 

تدور الكواكب في فلكها ودبي تدور ..

على محمد الباني كَفُوها وحاميها .. 

صفى الجو فيها يوم جو الديار يثور .. 

كريمةْ أبوها ومجدها وعِز راعيها .. 

 حِليف النصر في كل خطوة ومكان وطور .. 

تربع على عرش الصدارة وطاريها .. 

تفنن يشكل درته جنة البلور .. 

تمازج بروحه كل ذرّه تغطيها .. 

زمانه نعده لو نقيس الزمان عصور .. 

سبق عصره وحلم الذي بات يرجيها .. 

يمينه يمينه من يزيد الشعور شعور .. 

مطوع قوافي الشعر أول وتاليها ..  

صحى الفجر  بمحمد  علينا يزف النور .. 

وقف عند  حمدانٍ  وغرب عن نواحيها ..