بإسم جماهير الأهلي كلها وإسمي

نهدي  لفزاع والطاقم تهانينا

للمره السابعه يالنادي المسمى

مبروك  بعد التميّز درع  دورينا

الدوري اللي كسبته ساعة الحسمي

خلاص عن باقي الجولات يغنينا

الدرع من قسمكم والشعر من قسمي

واجب  علينا  نبارك فوز نادينا

ينضاف درع الذهب لأرشيفك الدسمي

إنجاز  كاسح لكنّه مايكفينا

فزاع رمز الطموح الداعم الرسمي

وأخوه مكتوم حقق كل أمانينا

فرحتك ياشيخ كنها نفحة الوسمي

ومواقفك بحر طيب ودعمك المينا

الكلّ شاعر وسم وأنا هذا وسمي

وجزالة الشعر والإبداع تعنينا

اصدح بصوتك مع الجمهور يالجسمي

يامبدعً كل ماغنيت غنينا

إن ما رسمت الفرايد وإنعرف رسمي

لا خير في كل ما نكتب ولا فينا