من علّم الصبح البياض

و من علّم الليل السهر 

من خلّا جده و الرياض

الليله اوّل من حضر 

من غيرها برقٍ و ناض

يزفّها زَخْ المطر 

الحسن في الناس افتراض 

مادام وضحى هي القمر 

جبينها والله عزيز

وضحى قمر عبدالعزيز

الزين إنتي مُبتداه 

و الزين بعدك مُستحيل 

في بسمتك معنى الحياه 

و في نظرتك ظلٍ ظِليل

الورد خذ منّك شذاه 

يا ربّة الطرفَ الكحيل 

و عبدالعزيز الله عطاه 

وضحى هي الحب الجِزيل 

جبينها والله عزيز

وضحى قمر عبدالعزيز

اَلزود من زودك يزود 

دام الفخر منّك  و فيك 

الفَرْحْ ماله بك حدود

و السعد كلّه يِحتريك 

يا أحلى ما في هالوجود 

ما تنحَسِب هذي و ذيك 

وضحى عَما عينِ الحسود 

الحسن مالك بَـه شِريك 

جبينها والله عزيز

وضحى قمر عبدالعزيز