من كثرت الشعار والمستشعرون

تغطرست لوراق واغتر الحبر

ماأجهل اللي يحسب ان جر اللحون

ايبيض الوجه او يطول فالشبر

الشاعر الحساس شعره ذو شجون

يصفا معاه الجو لو انه غبر

بعيد ياشعار عن سوء الظنون

ماقلتها من غطرسه ولا كبر

قد تعتبر وجهة نظر يامبدعون

وربما وربما لاتعتبر

وايلا ذكرت اللي علا قلبي يمون

عبر جسور الود والحب اعبر

الشوق من وصلك يابو طرفن فتون

يكبر معا راعيه لامنه كبر

ترا مريض السكري جرحه يهون

شوفك يكفي عن علاجه بالأبر

لو الاطباء عن علاجك يعرفون

كان اصنعوا منك دوا فالمختبر

صابر علا حبك رغم كثر الطعون

والمشكله حسب الكلام المعتبر

لوكانت القصه صبر  انا زبون

الصبر والايام للعاقل عبر

القصه الوافي يموت او لايخون

وان الصبر نفسه يبي منا صبر