يا اللي غرامك ضيقة وحسرات

أتعبت قلبٍ كان ميّت فيك

منك الخيانة موجعة بالذات

يا قوّ قلبك كيف تجرحه مغليك

منك الهدايا أصبحت طعنات

فوق الرفوف سيوف جت على يديّك

كانت هدايا لين حبك مات

واليوم هي مثلي بالألم تبكيك

بيني وبينك ضاعت الهقوات

لو قلت ابرجع قلت ما عاد يمديك

اخترت غيري ! رح معه بسكات

ما فيه أحد مثلي غلا بيعطيك

خذ ذكرياتك دام حبك مات

أنا نسيتك وان كانها تكفيك

عش في حياتك ضيقة وحسرات

فرّطت في اللي كان ميت فيك