من بشاكي في الملا اهمومي في مصابي شكوتـي لله

في الذي عمري لها اسومي يوم قفـا والعقـل شلـه

عن وصاله خارت اعزومي صدبي خلي بـلا زلـه

واعذابي ما طوله يومي ساعتـه مثـل الدهـر كلـه

وين فني وين مرسومي وين راحـت قلبـي اوخلـه

عفت عقبه قوتي او نومي وكل وقتي صار في ملـه

ياهل الشيمات مظلومـي والسبـب بوعيـن مشهلـة

ذا نصيبي في الهوي دومـي امعادلاتـه دوم مختلـه

من حبيب القلب محرومي ماعرفت ارضه واوصل له

لي معه ميعـاد معلومـي يتصـل عنوانـي ايدلـه