يا حادي العيس شل بصوت سمعنا

ولدار زايد تغنا ببوح الاشواقي

ارجوك غني لها بالحب وامتعنا

نحنا ترانا لهذي الارض عشاقي

دار الاجاويد لي فيها تولعنا

ننقى لها من عيون الشعر الاعماقي

اهل الوفا نحن واهل الطيب والمعنا

من هو تذرى بنا مطلوبه ايلاقي

الود فينا ونور الخير منبعنا

وفي اعلالم اجمع انلاقي صيتنا فاقي

الصوت واضح وكل الناس تسمعنا

واذا نطقنا نقول الوضح الراقي

ساس لنا بالفخر والعز يرفعنا

وعلى وطنا ترانا دايم انتاقي

قدام نمشي وكل الناس تتبعنا

مكاننا الاوله وغيرنا الباقي

نسبق على المجد ما حد رام يمنعنا

افضالنا للملا تجري وتنساقي

بالحزم والعزم في الدنيا تدرعنا

نحنا لبلدنا غدينا درعها الواقي

وبوخالد اليوم حصنها مراجعنا

وعن دار زايد محمد درعها الواقي

بين الدول بالفعل ميز مواقعنا

اصبح بشعبه على متن السحب راقي

ونحنا على ايديه تتجلى مطالعنا 

كل فرد فينا غدا للعون سباقي

ومن هو سأل عننا خله يراجعنا

نعطيه علم تجلى بختم واوثاقي

بالأمن صرنا انتهناها مضاجعنا

وبالحب ينور علينا نور الاشراقي