خذ راحتك ماعادها تفرق معي

تبي تغيب ونفترق خذ راحتك

شكراً على ذوقك وبس لاتدعي

انك صريح وشكراً الصراحتك

ماكان غيرك في حياتي مطمعي

في قلبي الاوحد وقلبي ساحتك

من كل درب ودرب اسعيلك سعي

وامواج حبي من غلاتك اجتاحتك

كم كنت احبك في الوعي واللاوعي

والأرض أرضك والسما من ساحتك

لك كنت خاتم وانت خاتم باصبعي

واتعب على شانك وادور راحتك

وتشوف من فوك السحايب موقعي

آلين طيحت النجوم وطاحتك

والحين ماعاد ترى تفرق معي

جنتك مابيها ولا تفاحتك