يا سمو الطيـْبه والقلب الحنون

يـللي راسي لا ذِكـرتـِك ارفـَعـَـه 

يَ أمنّا اللي وين ما ظِلِّك يكون 

نـَعـرِف إنّ الخيـر هذا مَـوقـِعَـه

إنتي اسمٍ ما على اسمه ظـنـون

وانتي وَصفٍ خَذ من الوصف اروعه

وانتي لـو للحب نـبـْعٍ او عــيـون 

اشهد انـّك انتي عـيـنه و منبعَه

عالـية وافعالِـك اللي يـشـهـدون

رايـعـة يَ ام الشيـوخ و مبـدِعـه

كيف لا والمدح نـفسة ياالمصون 

لا مشيتي صوبك اشّر بإصبَعه

تمطر الدنيا من الـفرحة مزون

كلّ ما بالخير اسمـك نـِسمعـه

يَ أمّنا يَ ام الامارات الحنون

يللي راس العز بأسمك نرفـعه