صَحّ منطوق المعاني وْطال عمرك يالقصيد

في ثـنـا عبدالعزيز وْ في سما عالي المقام

في مقامٍ لو وُصَفتـه يالشعـِر قـدرِك يـزيد

لين تختـال الحروف و يرتـفـع قَـْدر الكلام

الأمير اللي بْـحضوره يوم يـقبل من بعيـد

هيبةٍ تدعي القلوب إتفز وْتوقف له سـلام

طلِّتَه سَمحة وْ وَجهه يشبه الصبْح الجديد

وْسيرتـه لا مَـرّتِـك ما فـاح منها إلاّ الخزام

يا هلا بللي أبـو جَدّه سنـا المجد الـتـليـد

وإسمه إتسَمّى على ذاك المليك إبن الإمام

عِزَّه آل سعود وْ ربي شَرّف آل سعود أكيد

جابَـوا رجال وْ ملوكٍ تـخدِم البيت الحرام

هذا بن فيصل هذاك الحر إبن عبدالمجيد

جَـدّه المغـفور لـه بـْإذن الولي رب الأنـام

كان خير الوالِد اللي جاب من نَسله حفيد

أنـعِـم بْـعبدالعزيز وْ أكـرِم بْـذاك الهُـمـام

اللي فاله من فهد بن مشعل/الفال السعيد

خَذ ثِـقَـة من جَدّه سْعود الملك سامي المقام

وْفاز في ليْن الحياه وْحسْنها الطاغي الفريد

واشـهد إن عبدالعزيز إتـلوق له بنت الكرام

العزيز اللي خواله صيـتـهم حيّ الوقـيـد

آل البْـراهيم آل الـجـود..ظهـره والحـزام

يحفظه من ميّزه بالهيبة والطبع الحميد

ويسعِده عَدِّ النجوم وْ عَدِّ ما جاد الغمام

الأمير اللي بْـحضوره يوم يـقبل من بعيـد

هيبةٍ تدعي القلوب إتفز وْتوقف له سـلام

طلِّتَه سَمحة وْ وَجهه يشبه الصبْح الجديد

وْسيرتـه لا مَـرّتِـك ما فـاح منها إلاّ الخزام