انتي وانا ما همنا غدر الأزمان

ترى الوفا اللي داخلك من طباعي

اذا زعلتي ، لو رضى كل زعلان

ما حس قلبي للرضى فيه داعي

ما دام عينك راضية هان ما كان

لو تزعل الدنيا ، لها ما براعي

يا صابرة والصبر للناس ميزان

لي خان صبري ثبتي لي شراعي

وانت معي يبقى الزمن كله احسان

للعز يدعيني من الوقت داعي

وان غاب زولك يا عسى ما بشر بان

ألقى الزمن يلقى وجود بضياعي

وانتي معي ما بشتكي غدر الأزمان

الصبر طبعك والوفا من طباعي

لا كان لي شان بلياك لا كان

لا عانقت مرسى الأماني شراعي

انتي وانا ما همنا غدر الأزمان

ترى الوفا اللي داخلك من طباعي

انتي وانا