ياجميل في تباريجه 

جل من سواه خلاقه

لي سمعته هانت الضيجه

وانتشيت بروح مشتاقه 

ذبت وانا من مشافيجه 

اسهر بروياه واشتاقه 

غاليأ وادرى مواثيجه

وافي بعهده وميثاقه  

سحر يتلف من مداعبجه 

كن بي من عينه اسياقه

عود يتثنى من الميجه

غض رابي مالت اوراقه 

لي خطى يمشي بترفيجه

ير بالمنكوس عشاقه

 كن خده من مشاريجه

واوجناته نوض براقه 

فرد نافل في مخاليجه 

من حرير السندس ارناقه 

يفطر الصايم على ريجه 

والنحل يشرق ايلا ذاقه

 برمج احساسي تبرميجه

على  ما يبغيه ع فاقه 

يابه الحظ اوتوافيجه 

لي يشافي روح معتاقه