يسوقني مداعب الشعر سايق

واللي تساعدني عليه القريحه

والشعر للتاريخ مثل الوثايق

والكاتمه على العلوم الصحيحه

ماهي بتتعبني صعوب الطرايق

لاجيت ترتيب الحروف الفصيحه

لو كل بيت يهزني في الدقايق

جرحت شعار الظنون القبيحه

لكن روقها اذاكنت رايق

واستغصب اللي ناجرك ومليحه

واللي ماعنده كتف للحمل طايق

يصبر على جور السنين الشحيحه

يزرع من بين الضلوع الدقايق

واهل الامل اللي قلوبهم مستريحه

لو بينه وبين الطموح اتعايق

يحاول بجهده العزي مايزيحه

لقيتني ضايق يسولف لضايق

عطاه من بين النصايح نصيحه

لاطاح قدرك من عيون الخلايق

لاتحسبنه يبيظل وجه طيحه

ماهي فضيحه وانتبه للحقايق

طيحتك من عينك اهي اللي فضيحه