افرح ليا شفتك بقربي حبيبي دوم

و يضيق صدري ليا طولت بغيابك

يعني كذا يرضيك من شوفتك محروم

اعيش وقتي ضيق و غيري تهنا بك

ودي تحس بجروحي في غيابك يوم

ان كان شفت الدموع تعانق اهدابك

لا يا عشير اللوم ماهو عليك اللوم

اللوم ع قلبي لي جاهلك بحسابك

حتى عيوني يفارقها لذيذ النوم

لا مر بي طاريك من اقرب اقرابك

امحق عشق لا صار ماهو على المقسوم

تهنا بقرب الذي تحبه و يهنا بك

ما به احد بالمحبه يَ الغلا ملزوم

خل التغلي و صارحني باسبابك

لا صرت احبك و حبك بالغلا مرسوم

في قوت قلبي و اشواقي تسلّا بك

مترسخن حبك بصدري عساه يدوم

ليتك تحس و تخلي خطنا شابك