ماضن في الطيب نصيب

مره يجي ومره يغيب

لخلبط لي اوراق الهوى

والحب عا قلبي شديد

لي تلدغه أفعى الرمل 

ايخاف حتى مالحبل

مشيت في درب  أمل 

والدرب كل ماله يزيد

بالشوق عيني سارحه

مانمت انا مالبارحه

بعض المشاعر جارحه

تحتاج قلبن من حديد

ما كل ما يلمع ذهب

دنياي ورتني العجب 

زادت على ناري حطب

والناس تحسبني سعيد

خلن احبه من زمان

ودوره في كل مكان

بالامس معطني ضمان

واليوم عن عيني بعيد

جف الغلا من منبعه

فالحب قلبي ضيعه 

يصعب علي اودعه

واعيش من دونه وحيد