‏‎هجم بيت العشق والشوق

‏‎ذلني وخربط احوالي

‏‎العشق صاير يشق حلوق

‏‎ينزلك لوجنت عالي

‏‎عاقل كلشي مابيه

‏‎ولا واحد سمع نوحي

‏‎وخلاني العشق هسه

‏‎امشي واحجي وي روحي

———-

‏‎اذاماعندك يجرحوك

‏‎بلايا مستحه ولاعيب

‏‎وكلش تنحب ويردوك

‏‎اذا راهي وثقيل الجيب

‏‎العشق مجنون خلاني

‏‎شللي بهالعشق شللي

‏‎من هسه خلص اني

‏‎بعد ما امن بظلي

..........

‏‎قلب هالناس مو صافي

‏‎ومنهم منهدم حيلي

‏‎يجي يطبطب على جتافي

‏‎ونيه سوده ناويلي

‏‎بعد ياشوق ياغيره

‏‎ياحب هذا ياعمي

‏‎من هسه نويت اني 

‏‎احن واشتاق بس ل امي