ياللي على البال تطري وانت ماتدري

وش ذنبه اللي يحبك وانت خليته

وش ذنب قلب رسم لك حبه العذري

وش ذنب دمع على طاريك هليته

لو كان عمري بيديني فدوتك عمري

لكن عمري بيدين اللي ترجيته

انه يرد الزمان اللي على خبري

يوم اني قلبك بصدري وانت في صدري

طيفك سكن بالحشا وآثر الحشا بيته

الأيام تجري وعمري بالشقا يجري

حتى الشقا منك رافقته وحبيته

أصبر على حالتي ويملني صبري

وأعيش في لوعتي وأقول ياليته

والليل في ناظري ياصاحبي يسري

والشعر لأجل الهوى جبته وغنيته

واذا تكلم عذولي قلت له عذري

ان الهوى يذبح العاشق وأنا جيته

والا انت ماتدري انك كل ماتطري

يصيح بين الحنايا شي خليته