مرّت من الغيد الفوارق وحده

ماهيب مثل العالم المراره

هذي حريقه جاهزه ماباقي

ماباقي الا وتشتعل شراره

عطرٍ يداوره الهوى وتضمه

وتجامله وتهدي استنكاره

تتشقلب وجيه البشر لاعدت

وتعلق الدنيا على مسماره

خطواتها وحده وراها وحده

مقسمه بالشبر والمتاره

تمشي خطاويها برتم ونغمه

كنك تمشيها على القيثاره

واليا انثنت للأرض تاخذ حاجه

إتقول طعمٍ في طرف سناره

تحرق صدور المترفات إن مرّت

اكثر من السيقار والسيقاره

إتوزع البسمه على اللي معها

إياك اعني واسمعي ياجاره

أرق من نسمة عبير غادي

تحت النحر وشوي فوق زراره