أنا ليه اعتذر لك دامك الغلطان

تعبت اطلب رضاك وقلبي الزعلان

ترى ما عدت ذاك المغرم الولهان

كأن الأرض ما فيها سواك إنسان

غرورك زاد عن حده

وقلبك طوّل فـ صده

ولا احدٍ يقدر يردّه

كأن الأرض ما فيها سواك إنسان

تماديت بدلالك وانت ما صدقت

تحسب إني خلاص فـ حبك اتعلقت

تصد براحتك وترد لا روّقت

على كيفك تحدد وقت للهجران !

غرورك زاد عن حده

وقلبك طوّل فـ صده

ولا احدٍ يقدر يردّه

كأن الأرض ما فيها سواك إنسان

تعب قلبك معاك وضاعت دروبي

وحبي تعرف إنه أكبر عيوبي

خلاص انسى انك انت اليوم محبوبي

ترى ماهي بطولة فايز وخسران

غرورك زاد عن حده

وقلبك طوّل فـ صده

ولا احدٍ يقدر يردّه

كأن الأرض ما فيها سواك إنسان