واشلونك  عساك  ابخير  شعلومك

ملكت القلب  في قلبي  بقى  لونك

ويا  جالس   بـدرب الحـب  مالومك

سكنت  الجوف ساحرني حلا عيونك

من اشوفك تدودهني  اظل  حاير

مـادام إنَّي  على عهدي  انا اصونك

  انا هايم  انا مشتاق  وبك  طاير

فريد العيـن   أقسم لك  ولا اخونك

نسيت الناس والدنيا على شانك

ولا لي قدرة اني اعيش من دونك

دخيل الله سمعني غلا الحانك

لأن القلب يتراقص على لحونك

وانا ليلك  وانا قمرك  وإنا انجومك 

وانا شوفك  وانا سمعك  وانا كونك

عليك   الله   طمنّي   عن   علومك

عرفت  اني  فدا  روحك  و  مجنونك