نهار وش سويت قل لي يانهار 

يا طيري اللي منفرد بين الطيور 

يالنادر انته بين مجموع الحرار 

تشاملك نشوه على لمحة غرور 

تغري العيون ان طرت في اول نهار 

محلا جناحك خفقته بشعاع نور 

الجو ممتع والثرى كلّه خضار 

يطيب لي وياك يا طيري النشور 

هناك وين الربد اتحب انتشار 

مره يطير ومر مابين الزهور 

انته ونامنا ترى اربوعي تغار 

احمل على ايدي انا الحر الجسور 

بيني وما بينك ياخوي اختصار 

حبٍّ جميل امغلّفه اجمل شعور 

عمار يا طير الوفا والله عمار 

وافي ولا في يوم جامنك اقصور 

عينك على التلواح تاخذها طيار 

وحشٍ يروغ الصيد ويصيده ابزور 

ونته معي دايم على نفس المسار 

للمركز الاول وتحكينا العصور