أجيز لجروحه عذر ..... واسج عن صد الوصال

اسلا عته بين البشر ..... لو خافقي نادي تعال

وأعطي من أيامي شهر.. بلا عتاب و لا جدال

وان كان ودّه بالعمر ... روحي و عمري له مجال

لوشاف قلبي بالنظر ..... يلقى طيوفه و الخيال

اذا زعل ضاق الصدر ..... ما غض لي طرف و بال

ياليت يدري وش كثر ..... اغليه أنا في كل حال

ياكم خلانا القدر ..... نشكي عنا سود الليال

صافي المحبه كالبدر ..... ماطاح لهموم ثقال

وإذا تبا مني "صبر" ..... هذا جوابي للسؤال

خلنا دقيقه نعتبر ..... أنك مكاني ، إحتمال

وأمر على روحي امر ....... ماتفعله مني تنال

ودّك جرى مثل النهر .... والروح ذابت في زلال

ماينفعك كثر الهجر .... ولا تقول الحظ مال

ان غرّكم عاذل قدر ...... ماهمني قيل و قال

هذي نهايات الصبر .... هذا جوابي للسؤال