شــفت غر مكتسي سـحر و دلال ما خلق مثله شبيـــه في الورى

من حســن يوسف خذ اوصاف الجمال و العجب شفته وعيني ما ترى

ما رأت عيني مثل هذا الغــــــزال و لا سمعت بوصف مثله ينطرى

يمشي و مشيه بخفه واعتدال من انقفر لو هو مشـــى فوق الثـــــرى

فيه سحــر يشبه السحر الحــلال فيه طيب من عيونـــه ينقـــرى

ما ترك للكبر في قلبه مجـــال و اجمل الاحساس من قلبه ســـرى

من كثر ما حط في قلبي و شــال صرت اسأل الربع باللي بي جرى

كل ما اسأل واحد منهم سؤال اكتشف ماحد من ربعي درى

اثرلي شفته خيـــال في خيـــــال حلــــم زار العين في لحظة كــرى

قمت اقــول ف خاطري هذا محـــال كيف وانته ما تــرى تقدر ترى