اذا ضاقت بك الدنيا انا صدري فدا دنياك

واذا في خاطرك تشكي بسمع لك ولا اتكلم

واذا ودك تعنيني ترا عادي ماراح انساك

بهذري بك واشوفك طيف وابقى فيك دوم احلم

تبي تصارحني صارحني انا همي يا كلي رضاك

ابيك وماابي بعدك والله شاهد ويعلم

انا عارف حياتك هم ولكني انا وياك

وجودي يا عسى يكفيك وابقى سالم وتسلم

اذا تبغاني اتعود على بعدك على فرقاك

انا اسف ترا ماابي انا افهم و اتفهّم

ابيك تحس احساسي للحظه قوللي اهواك

وشوف شلون انا هايم وانا عاشق وانا مغرم

اذا ممكن تخليني اعيش الحب في ذكراك

شعور الحب مو بيدي ومو بيدي انا آسلم

يا قلبي اخلص وحبّه حتى لوّهو ما يبغاك

وبعاهد قلبي بنفسي اشوفك دوم وبك احلم