قلبآ وقالبآ

اني حبيبي وياك

من الألف للياء

قلبي يضل يهواك

لو تنكلب هل دنيه

لو ينمحي هل عالم...

ابقالك اني وحدك

ماضي وحاضر والقادم

ادلل عليه بكيفك

هوه انت كلك ملكي..

لايقلك اني اهوايه

وتدري قياسك حضني

وجودك شي مهم صار بحياتي

بالنسبه الي كل نقصي وحتياجي

سمعآ وطاعتآ...

كلشي التريده يصير

دامك حبيبي وياي

يعني الأمور ابخير

واشما اباوع وجهك

اشتاق اكثر ما مل

اخترق حبك جوي

وصرت انته الكل فالكل

عطرك او لمسة ايدك

لا هذا فد حب ثاني..

تدري انه من حبيتك

تعلمت اصير اناني

احبك كلمة ماتشفي غليلي

اريد وياك اعيشن ياجميلي

عاشق ومغرمآ

فاق الوصف حسنك

ابمختصر احجي

ماحب بشر قدك

يا احلىًصدفه بعمري

ابوس هاي الصدفه

من تلزم انت ايدي

احسه قلبي يدفه

ابكلهن انه احبك

ابقلبي وعقلي وسمعي

محد قدر يوصله

بس انت محتل قلبي

مشاركني روحي وصرت مني وبيه

لك يابه حضنك عالم الحنيه