وين يالظبي الاماراتي

من سنه ما شافتك عيني

وانا لك مشتاق وآحاتي

لاهب الأشواق يكويني

ليتك إلا شفت عبراتي

سيلها غدّر بْخدّيني

ونّتي صارت وآهاتي

يالغــِلا تقطّع شراييني

عود رجّع لي زمن فاتي

ورجّع اللي ببنك وبيني

لهفتك شوقك محاتاتي

وانت تقراه الوفا فيني

تسكن ابروحي وفي ذاتي

غير عن باقي محبيني

حلمي وشوقي وغاياتي

فيك وبحبك تكفّيني

انت حلمي وانت غاياتي

بالوصل ارجوك تحييني

منك حزني وبك مسرّاتي

يا محبّي لا تخلّيني

مدخل الله لملم اشتاتي

خذني لْدنياك ودّيني

من نَفَسك اتعطّر أبياتي

وشوفةً مْحيّاك تحييني