غض النظر ما اقوى على ذاك النظر

عينك ترى فيها ارى موت وحياه

ان برقت اشعر انا بمعنى الخطر

وان غمضت القى بها قارب نجاه

فيها سما فيها متاهات وبحر

وانا فوادي ضاع بين ارضه وسماه

مالك عذر تجني على قلوب البشر

اللي تحاوط بك على كل اتجاه

ارجو انتظر في قلب مدنف ما صبر

بين القلوب ايعيش يبحث عن هواه

والله قهر وان قلت انا ميّت قهر

اخاف تسمعني معاذيل اوشاه

حلمي على جال المحبين انتحر

مينا الهوى ما شفت لي ملجا سواه

خلك معي لا تبتعد خوف الدهر

لا يبعد بنورك ويحرمني ضياه

سلمت في ايدك مفاتيح الصدر

ارجوك افتح وانتظر في محتواه

خذني بإيدي واكتسب فيّه الاجر

انته الحبيب اللي غدت روحي معاه