‏يا صاحب الهجر هجرك ويش سوّى بي

‏ويلك من الله ترفّــق في عــــباد الله

‏نحلت عظامي من الهجران و ثيابي

‏لو تستر الجسم ماهي تستر العلّه

‏بكرة توقّـف من اللهـفه على بابي

‏نفسك من الشوق والحرمان منتلّه

‏لو تفقد أعصابك آنا ماسك أعصابي

‏ذق ما يذوقـه حـبيـبا كان متــولّـه

‏عتاب قلبي على الهجران وعتابي

‏عليـك يا بو رمـــوش وقــذلــة هـلّه

‏لا تسأل الناس عني لأنك ادرابي

‏ولا تـذكر الشـوق لا كثـره ولا قـلّه

‏أن كان قلبك الى من جيت هلابي

‏بعد البطا فانت قلبي كنت محتلّه

‏أعطـيتني بعض ودّك لكن الغابي

‏أعطيته لشخص ما يستاهله والله

‏ما سامحك يالغلا والشوق غلابي

‏غدرت بي بعد ما خذت الغـلا كله

‏بعلّمك عن سبب واحد من اسبابي

‏يدعو إلى الحزن واللي يسألك قله

‏ما زوّد الحزن إلا غدر الأصحابي

‏يا ليت قلبي حجــر أو ليتهم قـلّـــه

‏هاجر يا أول غرامي وآخر أحبابي

‏أنا عــزيـز ما يـرضـي حبّـــه يذلّـه

‏سيفي يقص الحجر من قو مضرابي

‏لكن .. أنا للضـعافى مانـي آسـلّه