يا حبيبي لا تطول بالغياب

في غيابك ساهر ليلي وحيد

للشتاء ذكرى ونحسب له حساب

يشعل الاشواق فينا والقصيد

والبراد اللي فتح للشوق باب

هيض احساسي وغنيت النشيد

الحبايب بينهم دايم عتاب

وانت في قلبي مكانك لوبعيد

منزلك عندي على هام السحاب

لك عيوني وكل ما تبغي وتريد

كيف الوم اللي تعلق بك وذاب

في غرامك يكتب الدر الفريد

انتعش فكري على شوفك وطاب

والله انك تطفي الشوق الوقيد

يوم تبعد عني اعيش العذاب

شوفني من دونك وعقلي شريد