احبه ويخفي بإعجابه

فديت عناده يايابه

هدوئه وطيبه واعصابه

وحضوره

اريده ودون هالعالم

احس هوايه نتوالم

يمكن كل حلو ظالم

غروره

عادي وحقه يدلل

ازعل روحي لو يزعل

ادري يحبني ويمثل

بدوره

يعشك گلبي اخباره

وبعد يسال عليه جاره

ويحس مثل الثلج ناره

وجوره

تمر براسي الف حسبه

وافكر اكطعه لدربه

اعلن للخلگ حبه

واجازف

مثل تايه لگى نفسه

بدونه عمري مااحسه

تعب بس جيته ونسه

وسوالف

اغار من اليحاچونه

وتجيني افكار مجنونه

مثل نظراته وعيونه

مشايف